CONTOH SOAL UJIAN AKHIR SEMESTER GENAP Mata Kuliah : Pendidikan Bahasa Sunda,

Published: Friday, March 9, 2018

CONTOH SOAL

UJIAN AKHIR SEMESTER GENAP

Mata Kuliah : Pendidikan Bahasa Sunda

SOAL:

1. Sebutkeun kalayan dijéntrékeun naon waé papayung hukum nu patali jeung gelarna Pangajaran Basa Sunda di Sakola!

2. Nurutkeun Chomsky kamampuh basa téh nyaéta competency jeung performance. Kumaha hubunganana éta dua hal téh? jéntrékeun masing tétéla!

3. Aya tilu widang élmuning sastra (Wellek & Warren, 1976:39) pék tataan naon waé hiji-hijina tur jéntrékeun luyu jeung widang garapanana!

4. Ku Ibuna Séh Abdul Kodir dibekelan artos 40 dinar. Éta artos disimpen dina kantong, sarta dikaputkeun kana baju Séh Abdul Kodir palebah kélékna. Maksud Ibuna, supaya henteu leungit atawa henteu kapanggih ku nu niat julig. Kacarioskeun Séh Abdul Kodir téh angkat baé ka Bagdad, ngiring sareng rombongan kafilah dagang. Di satengahing perjalanan, di tengah-tengah padang pasir, rombongan kafilah téh aya nu ngabégal. Kabéh barang babawaanana dicokot taya nu nyésa. Para kafilah téh henteu bisa ngalawan, lantaran bégal téh témbong barengis jeung lobaan deuih. Keur kitu, aya saurang bégal anu nanya ka Séh Abdul Kodir. (“wawacan Lalayang Séh” dicutat tina “Pangajaran Sastra Sunda”)

Salin sempalan carita di luhur kana aksara Sunda!

Mangga damel rumpaka pupuh/guguritan tina salah sahiji 17 sekar pupuh nu aya, kalayan katangtosan:

a. Eta rumpaka pupuh/guguritan kénging nyalira (ASLI)

b. Rumpaka pupuh diketik (computer) dina kertas A4, font Times New Roman

c. Luhureun rumpaka disebatkeun jenis pupuh nu diserat

d. Idéntitas pangarang (mahasiswa, no.pokok) diserat handapeun judul rumpaka

e. Rumpaka pupuh dikempelkeun ka koordinator kelas, dijilid janten “Kumpulan Guguritan …”

~Wilujeng nyumponan pancén!~

CONTOH SOAL

UJIAN AKHIR SEMESTER GENAP

Mata Kuliah : Pendidikan Bahasa Sunda

SOAL:

1. Kumaha kamandang bapa/ibu kana prak-prakan makéna tatakrama basa Sunda di lingkungan urang ayeuna?

2. Sebutkeun kalayan dijéntrékeun naon waé papayung hukum nu patali jeung gelarna Pangajaran Basa Sunda di Sakola!

3. Mangga diaos salah sahiji karya carita pondok (carpon), tina buku, majalah, atanapi koran Sunda! Karya carita pondok anu parantos diaos teras dititénan kalayan dipasing-pasing kandungan kecapna, dumasar kelompok wangun kecap di handap ieu:

a. Kecap Asal

b. Kecap Rundayan

c. Kecap Rajékan

d. Kecap Kantétan

4. Ngadamel dialog singget dina jejer “teu ditangtoskeun (bébas)” kalawan ngalarapkeun tatakrama basa nu merenah!

5. Hiji waktos, Séh Abdul Kodir téh bade angkat ka Bagdad. Maksadna bade nyuprih élmu nyiar pangarti. Utamina élmu bagbagan agama Islam. Saméméh angkat,dipapadonan ku Ibuna sangkan ulah ngabohong, saur Ibuna, “Didu’akeun ku Ibu sing salamet. Poma kudu bisa mawa diri, ulah rék ngagungkeun diri, jeung poma ulah ngabohong.” (“wawacan Lalayang Séh” dicutat tina “Pangajaran Sastra Sunda”)